Menu

Apamark şirkəti Marketinq sektoru üçün yerli ikonlar hazırladı.

2017-11-06

Bir çox layihələrin altına öz imzasını atan Apamark Marketinq və PR şirkəti bu dəfə Azərbaycan Marketinq sektoruna olan özəl tövhəsi ilə fərqlənib. Şirkət, yerli marketinq bazarı üçün məxsusi ikonlar təqdim etməsi ilə diqqət çəkib.

Şirkət rəhbəri Ceyhun Fərzəliyevin sözlərinə görə yerli marketinq ikonlarının yaradılması prosesi çoxdan planlaşdırılmış bir addım idi. Apamark şirkəti olaraq biz daima bazarda baş verənləri öz aramızda müzakirəyə çıxarırıq. Müşahidələrimiz göstərir ki, mediada, sosial şəbəkələrdə, marketoloqların toplaşdığı qruplarda hər hansı bir xidmət haqqında danışılanda və ya onun sifarişi üçün təklif istəniləndə müxtəlif internet şəkillərindən istifadə olunur. Apamark şirkət olaraq bütün bunları nəzərə alıb marketinq sektoru üçün özəl ikonlar hazırlamağı qərara aldıq.

Hər kəsin istifadə edə biləcəyi ikonlar

Bu ikonlar Apamark şirkəti tərəfindən hazırlanmasına baxmayaraq, marketinq və PR sahəsi ilə əlaqəsi olan istənilən şirkətin bu ikonlardan istifadə etməsinə tərəfimizdən icazə veriləcəkdir. Bunun üçün qarşı tərəfin Apamark şirkətinə müraciət etməsi kifayətdir. Ümumilikdə tərəfimizdən 2D və 3D formatlarında 26 ikon hazırlanmışdır. İkonların üzərində olan rənglər Apamark şirkətinin korporativ rəngləridir. İkonlar üzərində olan rəqəmlər isə həmin xidmətin növlərini göstərir. Azərbaycan, İngilis və Rus dillərində hazırlanmış ikonlar bu ilin sonuna kimi yenilənəcək Apamark şirkətinin yeni saytında və ofisin yeni interyerində də öz əksini tapacaqdır. İkonları vizual olaraq görmək istəyənlər apamark şirkətinin rəsmi facebook və ya instagramsəhifəsinə daxil ola bilərlər.

Qeyd edək ki, “Maarifləndir ki, müştəri qazanasan” fəlsəfəsi ilə fəaliyyət göstərən Apamark şirkəti bu ilin sonuna kimi 3 böyük layihə təqdim etməyi planlaşdırır. Şirkətin xidmət şəbəkəsinə müxtəlif təyinatlı internet səhifələrin yığılması, qrafik dizayn işləri, PR xidməti, foto/video çəkilişlər, media yerləşdirmə, rəqəmsal marketinq strategiyalarının hazırlanması və xidmətlərinin göstərilməsi, SEO analiz, SMM və s. kimi xidmətlər daxildir.

Xətai rayonu, Nəcəfqulu Rəfiyev 11/45